Bericht Variante 1

Am Freitagmorgen, 10. März 2006, trafen sich im strömenden Regen die Frauen der KTV-Damenriege zum jährlichen Skitag. Alle waren bestens gelaunt und vertrauten voller Hoffnung auf ein Einsehen von Petrus, dass er die Regenwolken doch noch verschwinden lässt. Unser Ziel war der "Chäserrugg" im Toggenburg. Nach halber Fahrzeit stärkten wir uns mit Kaffee und frischen Gipfeli. Der Wirt des Hauses unterhielt uns mit seiner Handorgel. Da das Wetter noch immer nicht schön war, überlegten wir kurz, ob wir im gemütlichen Restaurant Ochsen bleiben sollten.

Als wir in Unterwasser ankamen schien schon die Sonne. Alle freuten sich auf einen sportlichen Tag. Die muntere Truppe verteilte sich und freute sich aufs Skifahren. Um die Mittagszeit trafen wir uns im in der Mittelstation Iltios. Das Wetter machte Gapriolen wie im April. Teils stürmte es auf den Pisten und im nächsten Moment schien die Sonne aus den Wolken.

Um 16.30 Uhr trafen wir uns wieder zur Heimfahrt. Leider hatte Frau R. C. aus M. beim letzten Zwischenstopp ihre Brille vergessen und so konnten wir erst mit einer kleinen Verspätung losfahren.

In Uznach im Restaurant Frohe Aussicht war ein wunderbares Nachtessen für uns reserviert, das wir bereits bei der Hinfahrt aussuchen konnten. Die ausgelassene Stimmung mussten wir leider unterbrechen, da die Zeit für die Heimreise gekommen war. Im heftigen Schneegestöber wurden wir von Urs Reichlin sicher ins Muotathal zurückgebracht.

Bericht Variante 2 - Reisebericht von Rita Heinzer-Marty

Am säbä Fritig bini am Morgä am füfi scho im Schuälhus undä gstandä wilis chum me ha mögä erwartä.

Bis dä di erschtä cho sind, bini scho schiär agfrorni gsi.

D’Annälies hed mr dä gleitig ä Schnupf gä und dütäd uf d’Louise und d’Maria, wos vor Freud schiär verjagt.

Später chömid d’Lisä und d’Steffi übr d’Chiläbrügg ds schnaggä. Di eint midämä chlafter Würscht und di andr midärä Träggablä Brot. Am pfnuusä a hani dänkt,, di säbä chönd hüt ä kä Rank me schla.

Einersmal hani gschmöckt, dass d’Eveline au nümmä wiit cha si. Ich ha scho dänkt, das si fürä hüttig Schitag ihrä geissbockgharät Rucksack usum Chäller usä niid.

Wo duä ds Rütälärs Marlene au nu usum Huus usä ds watschlä chund, hedsi einisch rassig ihrä Rock müässä zwäg reisä. Ischi ächt voranä nu ufum Hafä gsi?

Äs hend all afig bim Schuälhus beitäd, bis uf d’Jolanda und d’Margrit wo voranä nu id Früämäss hend wellä. Und scho ghört mä diä zwe, wo idr Meinig herrgotts chönid juuzä, dur d’Chilägass appä cho.

Womer duä all binänand gsi sind, hed dr Carchauffeur gseid "iistigä".

Na heds duä amal scho dr erscht Krach gä, will d’Christa und d’Klara bed hend wellä bim Chauffeur vorä i Chindrsitz inägraschä.

D’Renate hed duä änu ds Vreny müässä am Zännihaar rützä, will si am Nati im Znünitäschli umä gnodäräd hed.

Am Afang vo derä Fahrt isch nu schön ruäig gsi, abr bim Horä ussä hed d’Christine scho müässä ä Flatz z’Morgä usä gä, will si das Carfahrä gar nüd mag erlidä.

Gägum Sattel ufä hed duä ds Bäschuls Verälis Marlen äs Liädäli agstummä. Das singä wär ja ganz guät gangä, abr bi dr drittä Strophä hed Theres einä la fahrä, dass eim dr Schnuuf schiär abgstellt hed.

Womr duä bi üsum Kaffeehalt acho sind, hed ds Nüschälis Antoinette us Dümmi ds Heidi ufä Rügggä gnu und isch duä ächli midärä usum Car usä troläd.

Womr all üsäs Kaffee vorüs zuächä gha hend, hed det dr Wirt usinnig lüpfigs afä orgälä. Äs ischum duä abr einersmal verleidäd, willum d’Isabelle und ds Hildi änu bed hend müässä uf d’Schoss ufä graschä.

Womr us dem Beizli usä gönd und widr i Car wend istiigä gid d’Regula as Sigersten Antoinelle ä Bungg is Füdlä, willsäsi am Tisch zuächä äs Füfi lang uszännäd gha hed.

Bis mr duä ändlich a üsum Ziel acho sind, sind all äso ufgregt gsi, dass d’Annälies vorum Usstiigä ä Rundi sälber bränntä Branz umägreicht hed.

Na hemmr üs all ä nandäräna parad gmacht.

Einersmal fad Klara usinnig luut afä bäägä, wilärä d’Christa ä Wäslig i Rüggä appä gschoppäd hed. D’Rita C. us M. hed das äso gergäräd, dassi i ihrär Ufregig nu d’Sunnäbrüllä verlohrä hed.

Im Bähndli innä hed d’Lisä ihrä Kaugummi usum Muul usä gnu und gad a dr Isabelle inägschoppäd, willärä diä ä Füfermockä gä hed.

Und bim Usstigä hed ds Vreny adr Eveline gleitig nu müässä dr Haagä stellä, dassäsi gottsjämmerli i Tili usägschmätteräd hed.

Womr duä all dobä acho sind, sind di eintä uf Pischtä gu d’Füdäli umäschla und di andärä hend bim Schneehuufä zuächä ächli gfätterläd.

Am Zmittag hed d’Jolanda einersmal afä bäägä, willsi z’Schwinigsmöchli vergässä hed. Abr d’Margrit hedärä duä ä Lantegger gä, assi nüd muäss verhungärä.

Wills nachum Mittag äso ruuch gsi isch hemmr ächli afä jassä.

Ds Nüschälis Antoinette hed z’Muulorgäli änu binärä gha und hed gad einä vos Fätzuls Müssel gmacht und ds Nati hed afä Doppäliärä.

Wos duä hed afä nachtä hemmr üsäs Plünderli zämäpackt und sind durappä.

Mirä sind bloss im Bähndli innä gsi, hed d’Maria adr Louise äso ä grüänä Chöderlig a Rucksack anä gjättä.

Womr duä all üsi Ruschig widr im Car verschoppäd gha hend, hed d’Rita C. us M. gmerkt, dassi ihri Sunnäbrüllä dobä hed la liggä. Bis diä Brüllä widr umä gsi isch, hemmr duä mäni adr Annälis ihri Branzfläschä sauft mögä glährä. Bim Znacht hed duä d’Rita C. us M. dänkt, di da Brüllä verlühräni hüt nüd nu einisch und hed dr ganz Abig dr sälberbaschtlätig Brüllähalter agha.

Z’Ässä isch usinnig guäts gsi, vor alläm adr Theres ihräs und mis!

Nachum Znacht wärs duä villicht nu lüschtägr gsi, wänn öppä eini vo denä Volleyball-Frauä truäd hätt, ä grüsägä Witz ds verzellä.

Womr hend wellä zahlä, isch nu einisch luut wordä will d’Renate am Heidi a dä Härrä zerrt hed, willärä diä i Schal inä gschnützt gha hed.